Айтыскерлер Бекарыс Шойбековтен неге қашады?

18:16, 5 қаңтар 2018   957

Сахнадағы қарсыласы Бекарыс болмаса екен деп тілейтін айтыскерлер көп.  Бұл туралы Қазақ радиосының «Біздің мейман» бағдарламасында айтыскер Рүстем Қайыртай айтып берді.  

Рүстем Қайыртай өткен жылы ұлттық өнерді ұлықтаған 16 жобаға қатысты. Қоржынын жүлдемен толтырған ол  16 айтыстың тең жартысында жеңімпаз атанды. Бас жүлдеден бастап, бірінші, екінші орындарды жеңіп алған ақын Қызылордада өткен айтысты ерекше өткендігін атап өтті.

«Соңғы үш айтыс сахнадан жеребе бойынша жұптау өтті. Алматыға айтысқа ақындарды бір күн бұрын жұптады. Кішкене салиқалы және салмақтырақ шықсын деген ниетпен. Негізі айтыс оң жақтан бір көрермен, сол жақтан бір көрермен жеребемен шығып, ақындарды жұптайды. Алдағы уақытта да осы бағытта ұйымдастырылады деген ойдамын. Қызылордада Текей батырдың – 350 жылдығына орай ұйымдастырылған айтыста бір кісі Мұхтар Ниязовты, тағы бір кісі менің аты жөнімді атады.  Кіммен айтысатынымызды білмейміз. Бәріміз анталап тұрмыз. Алдын – ала  жұптап қойса, қарсыласың туралы ақпарат жинайсың. Бірақ, арнайы бір ай дайындалсаң да, сондай айтыс шыға қоймайтын айтыс болды. Биыл айтыса алатынымды дәлелдей алған осы айтыс болды. Сахнада Мұхтар Ниязовпен 40 минут айтысқаным тіпті көпшіліктің көңілінен шықты» - дейді айтыскер, ақын Рүстем Қайыртай.

Ақын ер адамдармен айтысқанды құп көреді екен. Бағдарлама барысында айтыскер оң жамбасына келетін сахна серіктерін де атап өтті. Олар: Аспанбек Шұғатаев, Мұхтар Ниязов, Еркебұлан Қайназаров, Ринат Зайытов.

Ал, Бекарыс Шойбековпен айтысуға шорқақтайтытын жасырмады.

«Кез-келген қарсыласыңмен айтса бересің. Тек дайындық жақсы болса, болғаны. Қолыңнан келмейтін еш нәрсе жоқ. Кітапханаға барасың, қарсыласың туралы ақпарат жинайсың. Қызға не айтасың? Ер азаматқа не айтасың? Барлығы дайындықпен келеді. Кез- келген ақынмен шығатын едім. Тек Бекарыс болмаса болды. Себебі, ішкі түйсігім Бекарыс Шойбековке жолықтырмаса екен деймін. Кез-келген ақын солай ойлайды деп ойлаймын. Бекарыстың тапқырлығындай, ол бір жеріңнен іліп алса, түбіңе жетпей қоймайтын ақын. Мойындау керек, бұл енді менің Бекарыстан қорқамын деген сөз емес. Қайта, Бекарыс ағаға деген құрметім. Айтысқа қосқаның оның үлесі басым. Сондықтан, кейде Бекарыс ағаға жолықтырмаса екен деп, кейде ішімізден тілейміз», - дейді ол. 

Қазақ радиосы

Қазақтың рухани тірегі, ұлттың үні Қазақ радиосына - 95 жыл. Түп-төркіні сонау 1921 жылдың қазан айынан басталатын Қазақ радиосы талай тарихты бастан өткерді. Сол кезден бастап Орынбор қаласынан бүкіл республикаға трансляция беріле бастады.

Қазақ радиосы хабарларды біртіндеп тақырып бойынша топтастырды, дербес және тектес ақпараттарға бөлу нәтижесінде журналистік електен еткізді. Сөйтіп, республикалық эфирден үңдеулер, шақырулар, деректер, нұсқаулар, мәліметтер, жаңалықтар үзбей жиі берілетін болды. 1926 жылдың 3 қазанынан бастап Қызылорда қаласында Қазақ радиосы өз хабарларын тұрақты беруді одан әрі жалғастырды.

Алматы радиостанциясы 1931 жылы 1 мамырда ашылды. 30-шы жылдар Қазақ радиосының даму жылдары болды. Радиожурналистика жолға қойылып, радио бұқаралық ақпарат құралдарының бірі ретінде нығайып, бекіді.

Бүгінде Қазақ радиосы тәулік бойы 9 тілде хабар таратады: қазақ, орыс, неміс, ағылшын, корей, ұйғыр, әзірбайжан, түрік және татар тілінде. Аптасына 148 хабар эфирге шығады.

Қазақ радиосының жанрлары бойынша пайыздық айырмашылығы:

  • Ақпараттық-сараптамалық - 18 пайыз;
  • Қоғамдық-танымдық - 25 пайыз;
  • «Достық» бағдарламасы - 3 пайыз;
  • Әдеби-сазды - 17 пайыз;
  • Балаларға және жастарға арналған - 5 пайыз;
  • Мұрағат - 5 пайыз;
  • Музыка - 25 пайыз;
  • Жарнама - 2 пайыз;

Әр тоқсан сайын Қазақ радиосының әуе толқынынан «Астана-Мәскеу» («Радио России» радиостанциясымен бірлескен жоба), «Астана-Минск» (Беларусь радиосымен бірлескен жоба), «Астана-Бішкек» (Қырғызстан радиосымен бірлескен жоба) радиокөпірлері эфирге шығады.

Қазақ радиосының «Радио России» және «Мир» радиосымен бірлескен жобалары:

  • «Ой бөлістім халқыммен», 12-бөлім (Мәтінін оқыған СССР халық әртісі Владимир Андреев);
  • «Н.Назарбаев. Автобиография», 28-бөлім (Мәтінін оқыған СССР халық әртісі Василий Лановой)
  • «Волоколам тас жолы», 134-бөлім (Мәтінін оқыған СССР халық әртісі Виктор Татарский);
  • «Это мы» (ТМД-ға мүше мемлекеттер аумағындағы маңызды және мәдени жаңалықтарға шолу);

Аптасына 2 рет «Айтөбел» бағдарламасы аясында радиоконференциялар өтеді. Дүйсенбі-жұма аралығында сағат 11:35-те әуе толқынына шығатын «Қас-қағым» радиоойынының жеңімпаздары сыйлықтармен марапатталады.

Қазақ радиосының  ресми сайты http://kazradio.kz 2006 жылдың 08 тамызынан бері интернет кеңістігінде. Онлайн трансляция 2011 жылдың 18 шілдесінен бері жұмыс істейді.

Қазақ радиосының Тәуелсіздіктің 25 жылдығына арналған жобалары:

  • «Жылдар мен ойлар». 30 хабар. Елбасы Н.Назарбаевтың әр жылдарда жарық көрген кітаптарынан, мақалалары мен сөйлеген сөздерінен іріктеліп алынған толғамдары мен қанатты сөздері.
  • «Тәуелсіздікті жырлаймын». Қазақ радиосы, «Chevron» компаниясы және «WikiBilim» қоғамдық қорының бірлескен жобасы;
  • «Тәуелсіздік шежіресі». 50 хабар;
  • «Зарубежные послы о Казахстане» («Елшілер Қазақстан туралы»). Радиоәңгіме;

Қазақ радиосының 95 жылдығы мен «Шалқар» ұлттық радиосының 50 жылдығына орай ел өңірлерінде «Қазақ радиосын тыңдап, қазақша сөйлейміз!», «Біз радиомен біргеміз!» акциялары өтіп жатыр. Акция аясында Шымкент қаласындағы облыстық қуыршақ театрында, «Бал Текстиль» кілем фабрикасында және қоғамдық орындарда, сонымен қатар, Қарағанды гуманитарлық колледжінде Қазақ радиосы сайрап тұр.

2016 жылы 28 маусым - Байланыс және ақпарат қызметкерлерінің күніне орай ҚР Президенті Н.Назарбаев әлеуметтік-экономикалық реформаларды іске асырудың барысын, мемлекеттік тілді және ұлттық мәдениетті дамыту мәселелерін жан-жақты жариялап, көрсеткені үшін Қазақ радиосының шығармашылық ұжымына Алғыс жариялады.